Telepon Engkol

CIANJUR – Pasosore poe mangkukna, Abah jeung sobat Abah anu ayeuna jadi uwana barudak, nyaraneut di tepas hareup. Ukur kopi panas jeung bubuy hui Cilembu anu disuguhkeun ku si Ambu harita téh, tapi ni’mat kacida karasana, komo bari dipirig ku lalaguan jadul jeung udud keretek. Kumaha kenangan maranéhna ngeunaan jaman baheula? Simak carita lengkepna di handap ieu.

Pasosore poe mangkukna, Abah jeung sobat Abah anu ayeuna jadi uwana barudak, nyaraneut di tepas hareup. Ukur kopi panas jeung bubuy hui Cilembu anu disuguhkeun ku si Ambu harita téh, tapi ni’mat kacida karasana komo bari dipirig ku lalaguan jadul jeung udud keretek, mani ‘shoheh’ kacida we ceuk istilah Ustad Opik Rohmansyah mah.

“Teu karasa nya, umur téh geus ngaleuwihan tina 70 taun, incu we pabalatak,” ceuk si Uwa, sobat Abah tea, bari semu jauh panineungan. Kaasup untung cenah ceuk si Uwa mah, manehna jeung Abah bisa ngalaman tilu jaman.

“Barudak ayeuna mah moal apaleun nu kumaha anu disebut telepon engkol da apaleunana telepon téh geus otomatis kari mencetan nomer mun rek nelepon téh,” ceuk si Uwa bari ngarongkong bubuy hui.

Baca Juga: 

Kuliner Khas Cianjur Terancam Punah, Jejak Budaya Gastronomi yang Menghilang

Jol kacipta ku Abah, baheula di imah aki aya anu disebut telepon engkol téh. Jaman harita mah mun rek nelepon téh, kudu diengkol heula terus lamun geus nyambung ka operator, urang menta disambungkeun jeung nomer anu dituju. Nyarita dina telepon oge teu bisa lalaunan, komo haharewosan siga ayeuna. Harita mah sigana mun nelepon di tengah imah, pasti kadenge nepika dapur.

“Kacipta we nya, lamun jangjian jeung salingkuhan liwat telepon, pamajikan nu keur masak di dapur norojol bari ngamang-ngamang sinduk,” ceuk si Uwa bari seuri ngagakgak.

Enya bener ceuk si Uwa, untung anu saentragan jeung Abah mah ngalaman telepon engkol, terus kana telepon otomatis, ngalaman aya Wartel m telepon umum koin, telepon umum kartu, faximile, nepika ayana telepon cellular anu bisa dibawa kamana-mana, malah nepika hape android anu ‘canggih’ kacida, da lain ukur bisa nelepon, tapi bisa motret, nyieun video, jadi almenak, jadi jam, kalkulator, radio, tipi, tipikorder, bioskop, narima atawa ngirim duit, jeung sajabana.

Sakitu heula we nya: Wallohu’alam bisshowab, wassalam. (***)