Ni’mat Nguseup Mah, Mun Disanggut?
CIANJUR – Mangrupikeun dongeng anu di serat ku H. Dede Asy’arie nu jadi dongeng kareuseup na urang sunda di dongeng abah. “Ni’matna nguseup mah, mun disanggut, nya Le?” mani asa nongtoreng keneh nepika ayeuna oge. Eta cariosan pa Subarna almarhum sawatara welas taun kalarung. Harita teh di Kolam Pamancingan di Sukanagara, sarengsena acara ngaresmikeun wangunan Dinas Pendidikan di Sukanagara. Pa Subarna, waktos harita teh nyangking kaluuhan Ketua Korpri Kabupaten Cianjur. Sarengsena acara peresmian, acara “Makan siangna” dihiji Rumah Makan anu dihandapeun Rumah makanna aya Kolam Pamancingan.
Tah harita sarengsena ngawaradang, diteruskeun ku acara nguseup bareng. Abah jeung Asep Bule almarhum milu nguseup bari Jeujeur jeung eupanna mah nu pa Subarna. Pede pisan Abah harita, da ngarasa waktu tiheula keur tugas di Ciamis ge, anu ngaranna nguseup mah geus biasa, malah nguseupna ge lain di kolam pamancingan, tapi di Walungan Ciwulan. Matak ku rarasaan harita Abah bakal meunang lauk loba. Ngan duka kumaha, , sakitu Jeujeurna sarua, eupanna sarua, tibarang nganclom nepika bubaran acara nguseup, bororaah meunang lauk loba, anu nyorang oge teu kungsi aya hiji-hiji acan, sawatara Asep Bule sareng pa Subarna mah, mani teu sirikna ‘Clom giriwil’ “Ni’matna nguseup mah mun disanggut nya Le” saur pa Subarna harita nyindiran Abah pastina ge.
Baca Juga:
Abah mah ukur “seuri koneng kurang Jahe” tea. da rumasa. Tapi sanajan teu aya nu nyorang ge, angger we ka imah mawa Lauk loba da di agehan ku Pa Icang. Ti saprak kajadian harita, sumanget kana pernguseupan bijil deui kahebos ku kaera waktu ‘di-enol’ pisan di Kolam Pamancingan di Sukanagara tea. Asa teu percaya, pan waktu keur tugas di Ciamis, harita nganjrek teh di Perumahan Mertua Indah di Cibalong Tasikmalaya, anu peuntaseun jalan teh aya pamancingan anu gede pisan nyaeta walungan Ciwulan anu meh unggal poe Abah sabalad-balad ngaruseup.
Anu asa teu kaharti teh, naha ari di Ciwulan, sakitu teu dipelakan, unggal nguseup ge tara nyamos, malah kungsi meunang Baung sagede leingeun kolot, na ari di kolam pamacingan di Sukanagara tea mani kuat di-enol padahal puguh eta laukna ge dipelakan. Jadi ras inget, jaman mimiti katerap resep nguseup, Harita keur lonang teu gawe, Haji Agus tatangga peuntaseun imah, ngajakan ngaliwet, kabeneran tos mupu Peuteuy cenah. Caritana mah ngalabring ka Ciwulan aya kana welasna kaasup Dahuan Abah Kang Engkus (tos almarhum ayeuna mah) anu kaasup “Angler” kahot dilembur mah.
Baca Juga:
Tah bari ngadagoan liwet asak teh nya dieusian ku acara nguseup berjamaah. Abah anu harita kaasdup “anak bawang” nginjeum Jeujeur anu dahuan tea, kaasup eupanna Beunteur sagede Cingir. Duka kumaha harita, karek ge sababarah menit, Jeujeur karasa beurat, Nataran oge harita mah dibantuan ku Haji Agus, da sieun pegat. Horeng disanggut Lauk Baung sagede leungeun kolot barang diangkat teh. “panyombo keur anu kakara nguseup eta teh pa haji, ambeh jadi nyandu nguseup” ceuk haji Agus harita.
Enyaan we, ti saprak harita, ampir unggal poe anu biasana balik gawe teh sore atawa peuting malah remen balik subuh, harita asal geus ngirim berita, najan memeh Lohor geus mangpret ka Terminal, bari teu poho nyimpang ka toko alat-alat pancing sapuratina. Anu diudag teh, Asar teh geus manco di sisi Ciwulan sabalad-balad. Kitu jeung kitu, meh unggal poe, nepika teu karasa sabulan leuwih, tatangga Abah anu sok dipihapean pakakas pancing laporan yen pakakas pancing nu uing geus ata kana 32 pasang. Tah kitu, ku ni’matna disanggut lauk waktu nguseup teh. Wallohu’alam bisshowab. Wassalam (***).
[…] Ni'mat Nguseup Mah, Mun Disanggut? […]