Generasi Golden Memories 2
CIANJUR – Golden Memories mangrupa basa anu ngarah ka kenangan-kenangan manis dina pituduh kehidupan sorangan anu ngahantapkeun rasa syukur jeung makna dina masa lampau. Kenangan-kénangan ieu kaasup momen-momen anu indah, pengalaman anu patali jeung haté, sareng nuju henteu leungit dina pikiran sareng gumanana.
Dina artikel nu saha, “Generasi Golden Memories 2” Dede Asy’arie ngarangkeun pengalaman sareng kenangan dina masa lampau nu bakal kadieu dina paké. Anu dipapar ku Abah téh miboga kaasup kantosan-kantosan di handap, lamun taya nu basa sunda
Lamun kemarin Abah ngadongeng soal cacaangan, poe ayeuna Abah rek dongeng soal dedengean. Abah mah lain wae ngalaman ngarekam lagu tina radio ku kaset bari jeung sok pagujud tea gening, tapi oge ngalaman muter Grammophone anu muter na teh lain ku listrik atawa ku batre tapi diputer siga urang muter jam dinding. Sora na ge boro-boro stereo jiga ayeuna, bubuhan loudspeaker na oge ukur Lawongjarum. Piringan hitam na oge pabalatak henteu siga ayeuna cukup ku hiji.
Memeh aya kaset, Abah oge ngalaman tipikoder anu pitana make reel. Lamun hayang ngadengekeun lagu teh kudu ngarekam heula tina radio, da can aya anu ngajualan pita nu geus aya lagu na. Anu disebut piringan jaman Abah krsakilo tina batu, mereunan mah da beurat kacida.
Baca Juga:
Ramena usum piringan hitam mah, ukur nepika awal taun 70-an, jadi para rumaja entragan kalahiran taun 60-an mah teu ngalaman ‘masa keemasan’ piringan hitam, da kaburu kasilep ku jamanna ‘kaset’. Harita mah, anu paling dipikaresep ku para rumaja teh nyaeta ‘Walkman’. Sabenerna ceuk Abah mah asa gancang teuing mesatna kamajuan teknologi teh. Eta we, keur mimiti aya kaset video, dibelaam kukumpul hayang kabeuli playerna teh, eeh teu kungsi lila geus pucunghul VCD. Player kaset video kapaksa pangsiun da diganti ku CD jeung VCD player.
Teu kungsi lila ti harita, geus torojol deui produk anyar anu kualitas gambar jeung sorana leuwih alus nyaeta DVD. VCD player milu pangsiun da diganti ku DVD player. Anu handeueul pisan mah, Abah teh sok ngahaja meulian DVD naha pilem atawa lalaguan nepika aya ratusna. Ari pek ku pesatna teknologi, pilem jeung lalaguan teh, kari ngadonlodan tina internet. Rek sabaraha ratus pilem atawa lalaguan anu bisa disimpen dina ‘External Hard Disk’ anu hartina ratusan keping DVD katut playerna kudu milu pangsiun nuturkeun ‘dulur-dulurna’.
Sakitu heula nya. Wallohi’alam bisshowab, Wassalam.
Oleh: H. Dede Asy’arie
[…] Generasi Golden Memories 2 […]